Humitaas an farmgate price han humay dida han Enero 2026, subay ha report han Philippine Statistics Authority (PSA).
Nagawas ha monitoring han ahensya, umabot na ha P20.10 an kada kilo han presyo han humay ha nakalabay nga bulan, sobra dos pesos nga mas hitaas kumpara ha P18.01 nga presyuhan dida han bulan han Disyembre.
Sugadman, mas hamubo la gihapon an nasabi nga presyo kumpara ha farmgate price dida han Enero 2025.
Humitaas naman hin guti an presyo han regular milled rice dida han syahan nga parte han Pebrero kumapara ha bulan han Enero.
Subay la gihapon ha datos han PSA, humitaas hin 4.1% an presyo tikang ha anay P43.76 kada kilo tikadto ha presente nga P45.54 an kada kilo.
Pero kun igkukumpara ha kaparehas nga bulan dida han nakalabay nga tuig, mas hamubo an average price yana nga tuig mahitungod nga umabot hadto ha P47.77 an kada kilo han presyo han regular milled rice.
Ini in dos pesos nga mas hitaas kumpara ha presente nga presyo.
