INTERNATIONAL – Gin-kampanya ni anay US President Barack Obama hi Vice President Kamala Harris ha campaign rally ha Pittsburgh ha swing state han Pennsylvania.
Ha speech ni Obama, naghangyo ine ha mga molupyo han Amerika nga bumoto para kan Vice President Kamala Harris komo Presidente ha tidaraon nga eleksyon dida hiton Nobyermbre 5, 2024.
Gin-banatan gihapon ni Obama an katugbang ha US Presidential race ni VP Harris nga hi Republican candidate ngan anay US President Donald Trump kasumpay ha magkadurudilain nga mga isyu kalakip na dinhi an mga gin-aalegar nga binuwa ni Trump kontra ha panhatag hin ayuda han Biden administration ha hurricane victims.
Kun manunumduman nga nauna na nga gin-endorso han ika-44 nga Presidente han Amerika hi VP Harris dida han nakalabay nga Hulyo mahuman ig-anunsyo ni US President Joe Biden an iya pag-atras tikang ha 2024 US Presidential race.
