NATIONAL – Ginimbetaran na han House Committee on Human Rights hi anay Pres. Rodrigo Duterte nga umatender ha masunod nga pagdungog maypaghisumpay ha war on drugs campaign han anay administrasyon.
Ha pagpapadayon han imbestigasyon han komite, nag-mosyon hi Gabriela Party-List Representative Arlene Brosas nga imbitaran ha masunod nga pagdungog hi Duterte pati na hi anay Sen. Leila de Lima.
Nahitabo ini kahuman nga igdoon han resource persosn sugad ni National Union of People’s Lawyers Sec. General Kristina Conti nga sumusuporta ha daw human rights victims nga hi Duterte an ira gintutuohan nga responsible ha mga serye han pamatay ngan kinahanglan nga pabatunon.
Samtang, ginpakianhan ni Human Rights Committee Chairman Bienvinido Abante Jr. hi Conti ngan an grupo nga Rise Up for Life and for Rights maypaghisumpay ha posible nga pagbatun han anay president.
