NATIONAL – Ginbatikos han usa nga membro han Kamara De Representantes an mag-tatay nga hi anay Presidente Rodrigo Duterte ngan Vice President Sara Duterte mahitungod ha pagpapasarang hin kamadarahog, bisan ha pampubliko nga diskurso.
Pahitmangon pa hi Assistant Majority Leader ngan Taguig City Rep. Pammy Zamora han Young Guns bloc, an sugad nga mga pahayag in nagpapakusog han kultura han kawaray balaod ngan nagpapahinay ha demokrasya.
Gin batikos gihapon han lady solon an mga pahayag ni FPRRD kun diin nag-intrimis ine nga papatayon an 15 nga senador agud matagan hin dalan an iya mga kaalyado nga kandidato ha Senado.
Gin sukna gihapon hine an Bise Presidente nga an gios daw in waray gin kaibhan ha iya tatay ha istilo han pagmamangulo.
Nanawagan naman ine ha mga Pilipino nga dire karawton nga normal an kamadarahog, lugod in magdig-pn para ha pagbaton.
Gin aghat gihapon hine an mga igkasi magbabalaod nga magdig-on kontra ha bisan anuman nga pagprubar nga himuon nga lehitimo an panhahadlok ngan pananarhog kumo kaparte han pampulitika nga istoryahon.
