NATIONAL – Nagtotoo hi PLt. Col. Jovie Espenido nga hi anay PNP Chief Ronald Bato dela Rosa in protektor ni self-confessed drug lord Kerwin Espinosa.
Ha gindumara nga quad committee han Kamara dida han Miyerkules, ginpahayag ni Espenido, nga hi Bato an nagpapaluyo han pagka dismiss han kaso ni Kerwin ha luyo han mga mabugat nga ebidensiya nga ira ginsumiter ala kontra ha mao nga drug lord.
Dugang pa niya, dida han panahon han kadakop ni Kerwin ha Dubai in dayon nga nagmando hi dela Rosa nga ig turnover ini ha AIDG (PNP Anti-Illegal Drug Group) imbes nga ha iya unit nga amu an nag imbestiga ngan nakapot han mao drug case agud nga ini in maprotektaran.
Gin-akusaran daw gihapon hiya han anay PNP Chief nga hiya in drug protector ngan kalakip ha listahan han drug watch list ngan kumarawat hin 20k nga suhol kada bulan.
Samtang, mahugot naman nga ginpanhimuwa ni anay PNP Chief nga yana in incumbent senador an mga akusasyon nga ginbabatak ha iya ni Espenido.
