Napakyas an plano nga ‘pagpawara’ han anay 18 sundalo para ma-divert an atensyon han publiko tikang ha tikaharani nga Senate impeachment trial ni Vice President Sara Duterte.
Sumala kan Lanao del Sur Rep. Zia Alonto Adiong, tagapagyakan han Kamara para ha impeachment trial, mas nangalas la lugod an publiko mahitungod nga klaro an panuyo han ginbuhat nga pagdungog han Senate Blue Ribbon Committee dida han Huwebes, Hunyo 4.
Iginparehas ni Adiong an pagdungog ha usa nga “press conference” nga waray impartiality o pag-upod, kun diin ginamit la an institusyon han Senado agud tagan hin legalidad an mga istorya han grupo.
Igindabi han mga anay sundalo ni Adiong ngan iba pa nga magbabalaod ha daw pagkarawat hin milyones nga kickback tikang ha mga peke nga flood control projects.
Maduon nga igindiwara ni Adiong an alegasyon ngan ginmalatumat nga dire kilala an mga ini.
Mahitungod hini, ginkukunsulta na niya an iya abogado agud magpasaka hin kaangayan nga kaso ha korte.
Gintagan-duon gihapon ni Adiong nga dire naangay nga tawagon nga “Marines” an grupo mahitungod nga ginruruba nira an repuaston han prestihiyoso nga institusyon, labi na nga ginklaro han militar nga natanggal ha hira ha serbisyo ugsa pa man sumulod ha mga ilegal nga aktibidad.
