Iginlunsar ni anay Israeli Army Chief of Staff Gadi Eisenkot an iya kampanya para ha tikaharani nga eleksyon agud balyuan ha pwesto hi Benjamin Netanyahu kumo Prime Minister.
Ha iya siyahan nga campaign event, ginmalatumat ni Eisenkot nga panahon na agud magtikang an Israel hin panibag-o nga yugto ngan humanon an pagmamangulo han tinawag niya nga “October 7 government” kumo pagtudlok ha administrasyon ni Netanyahu dida han matabo an mga pag-atake han Hamas ha Israel dida han 2023.
Ginlalauman na Eisenkot, nga usa gihapon nga kritiko ni Netanyahu nga an iya partido nga “Yashar” in makakakuha hin 22 ka-pwesto ha 120-seat parliament, kasunod han 24 nga pwesto nga ginlalauman makukuha han partido ni Netanyahu.
Samtang, nanawagan gihapon hi Eisenkot hin usa nga tangkod ngan may klarado nga direksyon nga pagmamangulo, nga magdadara ha Israel hin mas marig-on ngan talwas nga kabubuwason.
