-- Advertisements --
NATIONAL NEWS– Ginkumpirma han abogado ni anay Negros Oriental Rep. Arnfolo ‘Arnie’ Teves Jr. nga hi Atty. Ferdinand Topacio an pag-atinder han pisikal buwas nga adlaw ha nakatalaan hine nga arraignment ha korte.
Ginlalauman nga maatubang mismo hi anay kongresista ha Manila Regional Trial Court Branch 15 ha panibag-o nga arraignment kasumpay ha kaso nga may kalabutan ha ‘murder’ han 2019.
Nakatalaan hiya nga umatinder ngan umatubang ha korte tikang ha presuhan hine ha Bureau of Jail Mangement and Penology o BJMP Annex 2 ha Bicutan, Taguig City.
Ine naman in resulta han obligahon han nasabi nga korte nga umatinder ngan igrepresenta hine an iya kalugaringon ha naka-skedyul nga arraignment buwas nga adlaw, ika-15 hiton Hulyo.
