TACLOBAN CITY- Nagpagawas hin pamahayag an Eastern Visayas State University main campus, kasumpay ha pan ticket hiton TOMECO ha mga nakaparada nga mga motor ha gawas han nasabi nga unibersidad.
Sumala kan Jenette Ruedas, Information Officer Eastern Visayas State University, natabo an nasabi nga pamarada han mga estudyante ha gawas han campus, matungod nga waray espasyo ha sulod han eskwelahan, tungod nga ha mao nga adlaw, mayda gindudumara nga aktibidad an nasabi nga eskwelahan.
Dugang pa ni Ruedas, hapagkayana nagkahimangraw na an mga office head ngan nagpla-plano na an mga ine nga magkamayda hin lugar kun diin pwede ig parking an mga single motorcycle han mga estudyante.
Ginpatapod naman han nasabi nga opisyal, nga tatalinguhaon nira nga matagan kabatunan an nasabi nga himangrawon.
