TACLOBAN CITY – Andam na an Eastern Visayas State University (EVSU) ha nakatalaan nga pagaabre hiton ira school calendar 2020-2021 yana nga maabot nga Agosto 17.
2020-2021 yana nga maabot nga Agosto 17
Sumala kan Dr. Dominador Aguirre Jr., University Presidente han EVSU, magigin online an proseso han pag-aram han ira mga studyante ha tanan nga ira campus ngan waray may pagbubuhaton nga face-to-face learning samtang waray pa kamanduhan tikang ha CHED ngan IATF.
Dugang pa hini nga tungod nga 5% han ira mga studyante in waray mga access ha internet magbubutang hira hin mga kiosk ha tanan mga mga munisipyo ha rehiyon.
Nakipagsumpayan na hira ha kada LGU nga kun pupuydi in tagan hira hin space ha munisipyo kun diin ngadto igbubutang an ira kiosk ngan may-ada mga personnel han unibersidad nga magmamangulo hini.Naghangyo gihapon hira ha mga LGU nga magbutang hin libre nga wifi harani ha mga munisipyo ngan ira mga campus agud nga makagamit an mga studyante para han ira pag-aram.
