TACLOBAN CITY – Padayon iton ginbubuhat nga pangonsulta han Eastern Visayas Regional Medical Center (EVRMC) pinaagi han Telemedicine para ha mga Out-Patient han ira ospital.
Nagtitikang ine ha Lunes ngada naman ha adlaw hiton Biyernes depende la naman ha sakit nga karuyag igpakonsulta.
Sumala kan Dr.Salavador Evardone, tagmangulo han Eastern Visayas Regional Medical Center, nga ginbuhat nira an mao nga pitad para maproteheran an mga karuyag magpakonsulta pati na an mga magbabantay ha ira tikang ha COVID-19.
Kun dire naman maaram nga mayda telemedicine o ginkikinahanglan hin face to face nga consulation in naghahatag naman daw gihapon hira hin schedule kun sano mabisita ha ira ospital kinahanglan la nga magsunod ha infection control protocol ngan maagi ha triage area.
