-- Advertisements --
TACLOBAN CITY – Igin-undang la anay han Eastern Visayas Regional Covid-19 Testing Center (EVRCTC) an pangarawat ngan pag examine hin mga swab samples tikang ha Bicol region.
Sumala kan John Paul Roca, tagapagyakan han Department of Health (DOH) Region 8, loaded pa hapagkayana an EVRCTC tungod han kadamo han nakakarawat nga samples tikang ha mga LGUs mahuman nga humataas an kaso han COVID-19 ha Eastern Visayas.
Dugang pa hini nga abre naman la gihapon nga bumulig an EVRTC ha iba nga rehiyon pero ha pagkayana in ginpra-prayoridad la anay pagtest an dinhi ha rehiyon.
Mababaruan nga dida nakalabay nga bulan han Marso in duwa ka batch o sobra 1,000 nga mga swab samples backlog tikang ha Bicol region an gintest han EVRCTC.
