TACLOBAN CITY – Natudol an usa nga estudyante nga tisulod na ha eskwelahan ha Brgy. Maribi, Tanauan Leyte.
Ginkilala an suspek kan Jojo Maruto, residente han Brgy. Malikay Tanauan Leyte.
Sumala kan PLt. Kemy Bas Chief of Police han Tanauan MPS, nagkamay-ada vechicular accident ha Brgy. Maribi, Tanauan Leyte, kun diin natudol han single nga motorsiklo an usa nga bata nga tisulod haiya eskwelahan.
Subay han inisyal nga imbestigasyon han kapulisan, waray nakuha nga mga dokumento an mga otoridad han suspek sugad han OR/CR plate number ngan drivers liscense hine.
Nag-angkon an mao nga biktima hin bari ha iya tiil samtang an drayber naman han motorsiklo in nag-angkon hin gas-gas haiya kalawasan.
Dayon naman ginrespondihan ngan igindara ha pinakaharani nga ospital an menor de-edad para ha kaangayan nga medikal atensyon.
