TACLOBAN CITY – Ginpasakahan hin kaso may kalabutan han Violation of Article 154 Paragraph 1 han Revised Penal Code o pagpasarang hin fake news an usa nga college student nga nag prank nga gin kidnap hiya.
Ginkilala an babaye kan Jeane Gayrama Y Magdalaga, 19 anyos an pangidaron, college student ngan residente han Brgy. Langgao, Cabucgayan, Biliran.
Sumala kan PMaj. Ryan Delima Chief of Police hitun Naval, Biliran Municipal Police Station, nagvideo an mao nga daragita han iya kalugaringon kun diin nagyayakan ine nga gin kidnap hiya hitun busag nga van.
Basar han inisyal nga imbestigasyun, waray naman nakit-an ha CCTV Footages han iya mga gin-aagian nga busag nga van o tricycle nga nagpapamatuod nga gin kidnap ine.
Dugang pa han mao nga opisyal, may-ada hira nainterview na mga witnesses nga nakadto han gin-aalegar nga pagkidnap ngan subay haira in waray gihapon hira nakit-an nga van ngan waray hira rason para maghimo-himo hiton storya.
