NATIONAL – Gin depensaran ni Senate President Francis “Chiz” Escudero an panginahanglan nga imbestigaran han Senado an kasumpay ha paghitaas han gastos ha gintitindog nga bag-o nga building han Senado kahuman han mapaso nga balyuay hin pahayag nira Senators Nancy Binay ngan Alan Peter Cayetano ha pagdungog.
Ginpahayag ni Escudero nga an pagdumara han hearing han Senate Committee in Accounts in mahitungod han kapakyas han Department of Public Works and Highways (DPWH) nga ig eksplikar an dako nga gastos han konstraksyon.
Nagdig-on an liderato han Senado nga an proyekto ha Taguig in nagkakantiada hin P23.3-B kaupod an P1.6-B nga kantidad han tuna nga pagtutukuran ngan an P10-B Phase 3 nga dire pa nabi-bid.
Samtang, dugang pa ni Escudero nga an dire pagkakaintidihay ha butnga ni Binay ngan Cayetano in dara la han emosyon.
