Gin aghat ni Senate impeachment court presiding officer Francis “Chiz” Escudero an prosecution ngan defense panels ha impeachment trial ni Vice President Sara Duterte nga magtudlok hin bulag nga spokesperson nga dire kaupod ha legal counsel han pagdungog.
Sumala kan Escudero, presente nga nagseserbi gihapon nga legal counsel an mga spokesperson han magkaluyo nga parte sugad kanda Atty. Benjamin Tolosa han prosecution ngan hi Atty. Michael Poa han depensa.
Bisan man kun waray pa natatalapas an duha ha ira mga pahayag, ginmalatumat ni Escudero nga mas makakaupay nga magkamay-ada hin bulag nga tagapagyakan agud malikayan an anuman nga isyu ha paghingaday ha kaso samtang nagpapadayon an pagdungog.
Gintagan-duon gihapon ni Escudero nga padayon nga babantayan han impeachment court an mga iginpapaangbit ha publiko han mga abogado han magkaluyo nga parte.
Samtang, ginmalatumat ni impeachment court spokesperson Atty. Reginald Tongol nga pwede magtudlok an prosekusyon ngan depensa hin bag-o nga tagapagyakan kun kakaruyagon nira.
Gin klaro naman hini nga waray pa nakikita nga pagtalapas ha sub judice rule ha mga nagin pahayag nira Atty. Michael Poa ngan Atty. Benjamin Tolosa.
