TACLOBAN CITY – Nagpahimtangon an Eastern Samar Electric Coopertive o ESAMELCO nga diri an ira kooperatiba an rason ha tigda nga paghitaas ha bill han kuryente han ira mga konsumidor.
Sumala kan Atty. Edwin Amancio, General Manager hitun ESAMELCO nag umento hin 3 pesos an sukot han kuryente ha mga konsumidor tungod han hitaas nga generation charge.
Tikang nga 14pesos per kilowatt hour han nakalabay nga bulan in nagin 17 pesos na an kada kilowatt hour an kuryente nga gindidistribwer han ESAMELCO.
Dugang pa ni Amancio nga naghitaas manggud an presyo han ginpapalit nga coal han generating company nga nagsusupply haira hin kuryente tungod nga apektado ini han paghitaas han presyo han krudo ha World Market ngan ha gyera han Ukraine ngan Russia.
Nagpahinumdom naman ini ha mga konsumidor nga magtipid ha paggamit hin kuryente agud nga magminus an ginbabayaran nga bill han mga ine.
