NATIONAL – Gin kumpirma ni Executive Secretary Lucas Bersamin nga waray pa “warrant of arrest” nga ginpagawas an International Criminal Court kontra ha mga co-accused ni anay Pangulong Rodrigo Duterte ha kaso nga crimes against humanity.
Ha interview kan ES Bersamin, ginpahayag hine nga hasta yana in waray pa hira nakakarawat nga warrant of arrest tikang ha ICC nga ginpaagi ha Interpol.
Igindiwara naman ni Bersamin nga nagyakan hiya nga mayda na warrant of arrest kontra ha iba pa nga akusado sugad kan Senator Bato Dela Rosa ngan iba pa.
Sugadman, ginmalatumat ni Bersamin nga ha oras nga mayda na arrest waraant an ICC in kaparehas la gihapon nga proseso an igpapatuman han gobyerno kaparehas han gin buhat nga pag-aresto kan anay Presidente Duterte.
Gintagan-duon ni Bersamin nga mayda balaod nga iginpasa han Kongreso nga nagtutugot ha gobyerno nga ig surender an akusado nga naatubang ha kaso nga crimes against humanity ngan human rights o sundon an extraditon proceedings.
