NATIONAL – Umapela hi Senador Erwin Tulfo ha Department of Budget and Management (DBM) nga siguraduhon nga warya political insertions ha panukala nga 2026 national budget.
Ha briefing han Development Budget Coordination Committee (DBCC), nanawagan hi Tulfo ha Budget Department nga magin mabantayon ha pangita ha mga suspetsyado nga item ha National Expenditure Program (NEP).
Sumala kan Tulfo, an pira ng flood control programs nga aada ha NEP in kaparehas han nakalabay ngan posible mahimo nga “pork barrel,” kaparehas han isyu hini dida han panahon ni Janet Napoles.
Gintagan-duon han senador nga mas grabe an sitwasyon yana mahitungod han mga pondo nga nakatalaan ha mga kwestiyonable nga proyekto nga nagkakantidad hin bilyon-bilyon, ngan posible umabot pa ha trilyon.
Ginbuyagyag gihapon ni Tulfo nga pira han flood control projects ha mga syudad han Antique, Iloilo, Apayao, Nueva Ecija ngan Kalinga in mga paprehas an pondo, nga nagdadara han pagkabaraka nga an mga ini may mga political insertions.
