INTERNATIONAL NEWS– Nakatalwas an ada ha 50 nga pasaheros ngan lima nga crew mahuman nga lumaprak an eroplano ha kadagatan han Somalia.
Subay ha inisyal nga imbestigasyon, nagkamayda hin technical problem an Starsky Aviation anusa nga Fokker 50 plane pira ka minutos ugsa ine nga mag-take off ha Mogadishu International Airport.
Dugang pa han Civil Aviation Authority (CAA) han Somalia nga naghangyo an piloto nga bumalik matungod ha problema pero pakyas ine nga pumara ha runway ngan nag-overshoot ha Tarmac ugsa dayon nga lumaprak ha kadagatan.
Talwas naman an mga pasaheros han eroplano.
Ginkalipay naman hine an madagmit ngan kalamado nga desisyon han piloto para masigurado an katalwasan han tanan.
Ha pagkayana, padayon pa an ginhihimo nga imbestigasyon han mga otoridad kasumpay ha nasabi nga insidente.
