Ginpahalawig han Energy Regulatory Commission an pagpapaundang han pag-utod han serbisyo han kuryente para ha mga residential ngan non-residential consumers nga dire pa nakakabayad han ira bill.
Sakop han bag-o nga direktiba an mga baraydan tikang Agosto kutob Oktubre 2026, kumo kaparte han mga pitad han gobyerno ha butnga han national energy emergency.
Labot hini, gintugotan gihapon han ERC an mga panimalay nga nagamit hin 200 kilowatt-hours o mas hamubo kada bulan nga waray pa makabayad han ira bill, nga puydi baydan ini hin hulugan ha sakob han dire maubos tulo ka-bulan.
Ginklaro naman han ahensya nga kun may kapas nga magbayad hin bug-os, in ginaaghat la gihapon an mga consumer nga buhaton ini.
Ginmandohan gihapon han ERC an mga electric distribution utility ngan iba pa nga kumpanya ha sektor han kuryente nga ipatuman an kaparehos nga flexible payment scheme agud maibanan an pinansyal nga pas-anon han mga konsumidor.
