Ginpapaimbestigaran han mga kongresista nga kaupod ha Akbayan Reform Bloc ha House Commitee on Labor and Employment an magigin epekto han suspensyon o Temporary Restraining Order nga iginpagawas han Pasig Regiohnal Trial Court ha P85 nga umento ha sweldo para ha mga empleyado ha National Capital Region ngan ha bug-os nga Pilipinas.
Nakabutang ini ha House Resolution No. 1273 nga ginsumite ni Rep. Perci Cendana, Chel Diokno, Dadah Kiram Ismula, ngan Kaka Bag-ao.
Panuyuan han imbestigayson nga makaglatag hin balaudnon nga magpapakusog ha mga wage orders agud dire na mapugngan utro an implementasyon han mga igmamando nga umento ha sweldo ha mga masunod nga panahon.
Duon ni Cendana, kinahanglan kitaon kun insakto pa ba an wage-setting mechanism han mga wage boards agud matudlok an umento ha sweldo agud pambawi han mga empleyado ha hataas nga presyo han mga papliton.
