EASTERN SAMAR – Dire pa sugad ka inaabat ha sektor han turismo an epekto han paghitaas han presyo han lana resulta han padayon nga kasamok ha Middle East.
Sumala kan Eastern Samar Provincial Tourism Officer, Neil Pinarok, waray pa epekto ha turismo han Eastern Samar an pag-umento han presyo han lana.
Sugadman, gin amin hini nga mayda bisita nga nagkansela han ira plano nga pagbisita ha probinsya dire la mahitungod nga maapektaran an ira biyahe, kundi nagtitipid gihapon an mga ini ha ira konsumo ha gasolina mahitungod nga dako an epekto hini ha nagkansela nga bisita.
Ha lain nga bahin, padayon an ira pangandaman ha pag-epekto han hitaas nga presyo han gasolina labi na nga an pangunahon nga maapektaran in an ira mga papliton.
Dugang pa hini, mahitungod nga aragian hin bagyo an Eastern Samar in kaurugan han ira mga commodities in gin aangkat tikang ha gawas han probinsya sugad han Catbalogan City, Tacloban City, ngan Cebu.
Mayda na gihapon pira nga establiyemento ha ira lugar an nagtikang pagpatuman hin umento ha mga papliton sanglit nakipagsumpayan na hira ha Department of Trade and Industry agud mapanginano ini nga mga tindahan.
