Waray nakikita nga rason an Malakanyang agud magdeklara hin energy lockdown ha butnga han hulga ha suplay han lana ha nasud mahitungod ha tensyon ha Middle East.
Sumala kan Palace Press Officer Claire Castro, padayon an pitad han gobyerno agud masigurado nga mayda supreyenste nga suplay han lana ha nasud.
Kaupod dinhi an pakikigsumpayan ha iba nga nasud agud magkamay-ada hin alternatibo nga mapagkukuhaan.
Subay naman ha Department of Energy (DOE), nakikig-istorya na hira ha mga nasud nga dire nakadepende ha Middle East, sugad han India, Argentina, ngan Canada, agud masigurado an padayon nga suplay.
Baton ini ha pagkabaraka nga posible mautro an krisis dida han dekada ’70 kun diin nagkamay-ada hin kakulangan ha lana ngan ginkinahanglan magrasyon hin petrolyo.
Gintagan-duon han Malakanyang nga dire karuyag umabot ha “worst-case scenario,” sanglit timprano pala in nag-aandam na hira agud maproteheran an suplay han enerhiya ha nasud.
