TACLOBAN CITY – Maabot 400 nga mga empleyado han Public ngan Private sector ha Eastern Visayas an natagan na hin Covid-19 assistance han Employees Compensation Commission.
Sumala kan Atty. Michelle Basal Information Officer han Employees Compensation Commision ha Rehiyon-8, tikang dida han tuig 2020 in nagkamay-ada programa an mao nga buhatan para makapaghatag hin bulig pinansyal ngan benefits ha mga nagtratrabaho ha gobyerno ngan pribado nga sektor nga naduktan o nnagkasakit mahitungod han mao nga virus.
Han nakalabay nga adlaw in nagkamay-ada panhatag gihapon han mga workers nga namag aplay dinhe ha Probinsya ngan magpapadayun pa iton pan release hine ha masunod nga mga adlaw.
Dugang pa han mao nga opisyal, gin tatalinguha han mao nga buhatan nga maipanhatag an kaangayan nga bulig para ha mga nanarabaho ngan magpapadayun gihapon ine nga programa pag release hin assistance samtang may ada pa mga pending nga applications tikang han mga workers nga nagkasakit hin Covid-19.
