-- Advertisements --
TACLOBAN CITY -Arestado an usa empleyado han LGU han Ormoc City mahuman ine madakop ha gindumara nga drug buybust operation han mga otoridad.
Ginkilala an amo nga suspek nga hi Juvy Guljoran, residente han Mabini St.Ormoc City.
Sumala kan PMaj.Shevert Machete, hepe han ormoc City Police Office nga anay na nga nagsurender ha Oplan Tokhang ngan nagpailarom ha rehabilitasyon an nadakop nga LGU employee.
Una na nga ginsiring ni Ormoc Mayor Richard Gomez nga dire hine gintotolerate an ilegal nga buruhaton ha ira lugar bisan empleyado han LGU an dabi hine.
Ginsampahan na hin kangayan nga kaso hi Guljoran ngan aada na ha kustodiya han Ormoc Police.
