-- Advertisements --
SPORTS – Nanguna an Filipino American Olympian nga hi Emma Malabuyo ha US National Collegiate Athletic Association (NCAA) season kun diin nagpakita ini hin kakarit para ha University of California, Los Angeles (UCLA) Bruins.
Ginbuhat an mao nga sports events ha Big Ten Conference women’s gymnastics showdown kontra ha Michigan State Spartans ngan ginkilala hiya nga kampeon ha balance beam nga may meet-winning average score nga 9.925.
Ha urhi nga rotation floor hini in nakakuha hi Malabuyo hin 9.95 nga amo an nakaghatag ha iya han daog han UCLA ha meet.
Samtang, kaupod naman ni Malabuyo ha kumpetisyon hira Olympic gold medalist Jordan Chiles ngan teammate Chae Campbell nga parehas nakakuha naman hin perfect 10.0.
