Gin amin han 22-anyos nga boksingero nga hi Eman Bacosa Pacquiao an bug-at ngan pressure nga igin hahatag han iya apelyido, ilabi na ha aspeto han boxing.
Ha usa nga pamahayag, gin malatumat ni Eman nga ha kaluyo han dako nga paglaum ha iya han publiko ha larangan han boxing ilabi na kumo anak ni legendary boxer Manny Pacquiao, ginpipili la gihapon niya nga ipokus an atensyon ha iya training ngan personal growth.
Sumala pa kan Eman, importante ha iya nga gin hihimo niya an iya best ngan tumapod ha plano hiton ginoo.
Gin malatumat pa hini nga nagpapabilin an regular nga komunikasyon niya ha iya amay nga hi Manny nga naghahatag ha iya hin mga pahinumdom ug pagpapabilin nga disiplinado ha iya mga training.
Kilala hi Eman diri la kumo anak hin usa nga boxing icon kundi kumo usa nga rising athlete mahuman mag daog dida han tuig 2025 ha usa nga lightweight bout.
Samtang, mintras padayon an pag uswag han karera hini, nagpapabilin la gihapon nga nakapokus an iya antensyon ha boxing ug pagpaparibhong han iya hibaro ha kaluyo han mas nagtitikadako nga atensyon nga nakakarawat tikang ha publiko.
