TACLOBAN CITY – Naging mahimyang ha kabug-usan an guindumara nga Barangay ngan Sangguniang Kabataan Election ha syahan nga distrito ha probinsya han Samar partikular ha Calbayog City.
Ini an guinkumpira ni PCSUPT Leonardo Ramos Suan, Deputy Regional Director for Operations han Police Regional Office (PRO 8) pinaagi ha guinbuhat nga pakipaghimangraw han Bombo Radyo Tacloban.
Sumala kan PCSupt. Suan nga mayda talagudti nga mga panhulga ha mga kandidato ha mao nga lugar pero dagmit naman daw ini nga naaksyunan han mga kapulisan ngan mga kasundaluhan nga nakatuka
ha mga skwelahan nga guindumaraan hin eleksyon.
Dugang pa hini nga angay la daw nga balyuan na an ‘Kill-bayog” nga una na nga sikat nga tawag ha Calbayog hin Love-bayog mahitungod nga mahimyang man daw ini nga lugar.
Manunumduman nga ugsa an adlaw han pinili-ay in pira nga insidente hin panmatay an nahipatik ha mao nga lugar.
