NATIONAL – Ginkumpirma han Philippine National Police (PNP) nga humamubo an datos han mga election-related incidents han kahuhuman la nga piniliay kumpara han nakalabay nga eleksyon.
Subay ha datos han PNP-Public Information Office (PNP-PIO), humamubo hin 53% an kabug-usan nga porsyento han mga naitala nga ERI’s.
An nagin basihan han datos in matungod ha mga naitala nga 49 nga mga insidente nga ginbiberipika ngan na-validate na han PNP.
An nasabi nga ihap in mas hamubo kumpara ha naitala nga 103 nga mga insidente hadton nakalabay nga Barangay and Sangguniang Kabataan Elections (BSKE) 2024.
Nakikit-an naman han PNP nga an mga nagin paghamubo han mga insidente yana nga eleksyon in pamatuod nga ira gintutuman an ira mandato ngan direktiba ni Barangay and Sangguniang Kabataan Elections ngan ni PNP Chief PGen. Rommel Francisco Marbil nga igpabilin an kahimyang ngan kamurayaw ngan seguridad han publiko.
