TACLOBAN CITY – Opisyal nga gin abrihan an selebrasyon han pagsalin-urog han mga kalagsan dida han nakalabay nga adlaw, Oktubre 1, ha usa nga dako nga mall ha Marasbaras, syudad hiton Tacloban.
Mayda ine tema nga “Honoring the Invaluable Legacy of Filipino Senior Citizens”.
Sumala kan Asther L. Dadulla, Project Development Officer IV hiton National Commission of Senior Citizens (NCSC) han Department of Social Welfare and Development (DSWD) Field Office 8, an nasabi nga aktibidad in pagtikang han usa kasemana nga selebrasyon para han mga kalagsan ha rehiyon nga may panuyo nga kilal-on ngan igdasig an naihatag han mga ine nga kusog, kontribusyon, ngan suporta ha pagkab-ot han nation building.
Gindumara naman an nasabi nga pagsalin-urog pinaagi han usa nga mass ceremony, ginsundan hin zumba session, ngan diskusyon han pira nga mga pangunahon nga isyu nga ginkakaatubang han mga senior citizens ngan paghahatag hin duon ha mga katugod ngan pribilehiyo, ngan presentasyon han magkaduru-dilain nga talento han mga partisipante nga kalagsan.
