TACLOBAN CITY – Gintagan hin duon han mga negosyante ha syudad partikular na ha produksyon han bugas nga dire nakaka-apekto an El Niño season, matungod nga mahuhuman na an harvest season.
Sumala kan Friderick Dy, President Grains Retailers Confideration Eastern Visayas, nga damo naman gihapon an mga iregasyon ha mga humayan sanglit nga dire ine makaka-apekto.
Dugang pa hine, nga bisan nga harvest season yana in waray la gihapon mag-ubos an presyo han bugas, lugod in nagmahal an mga ine.
Nagtutuo an nasabi nga negosyante han syudad, nga mayda nagmamanipula ha produksyon ngan presyo han bugas
Ginpahibaro gihapon hine nga normal an suplay han bugas ha syudad, pero gintagan han nasabi nga negosyante hin duon nga matungod nga dire stable an suplay han bugas ha nasod, partikular na ha mga probinsya in dire harayo nga magkulang an suplay hine.
Ginkikita naman hine nga posible nga humitaas an presyo han lokal rice ha mga masunod nga adlaw matungod nga mahuhuman na an harvest season.
Magtitikang naman ha Hunyo an utro nga pananom han mga humay ngan ginlalauman nga ha bulan hiton Setyembre in magkakamayda na hin harvest season.
