NATIONAL – Ginkalipay ni Department of Budget and Management (DBM) Secretary Amenah Pangandaman nagpapabilin nga madig-on an ekonomiya han Pilipinas.
Ha iya nagin pamahayag ha Philippine Economic Briefing ha Cagayan de Oro ginpaangbit hine nga sumaka ha 5.5% an gross domestic product (GDP) han nasud ha ika-duha nga kwarter han 2025.
Kalakip ha nakag-ambag han pagribhong han ekonomiya han nasud an mas manageable nga inflation rate hadton nakalabay nga bulan han Setyembre nga ada ha 1.7% ngan an employment rate nga ada ha 96.1%.
Ginsigurado naman ni DBM chief an pagpapatuman hin reform agenda ha budget priorities pinaagi han new Government Procurement Act nga ginkokonsidera kumo “biggest anti-corruption measure” ha recent history han Pilipinas, nga panuyo igduso an transparency ngan kontrahon an korapsiyon han gobyerno.
Panuyo han nasabi nga balaod nga himuon nga digitalize ngan mapadagmit an procurement process.
