NATIONAL – Ginlalauman nga madagmit an pag-ursa han ekonomiya han Pilipinas hin sobra 6% yana nga 2025 hasta ha 2026.
Ine in basar na gihapon ha projection ni Department of Finance Secretary Ralph Recto ngan International Monetary Fund (IMF).
Kumpyansa an Finance Secretary nga malalahusan an dalagan han ekonomiya han nasud dida han katapusan nga kwarter han 2024 an nahipatik nga 5.2% economic growth dida han ikatulo nga kwarter han 2024, nga ginlalauman magdadara ha full-year growth nga haros o sobra pa ha 6%.
Gin tudlok naman han IMF an domestic demand kumo usa ha mga factor para ginlalauman nga pagdagmit pa han pag-ursa han ekonomiya han nasud yana nga 2025 ngan ha masunod nga tuig kaupod an consumption ngan investment.
Kun diin susuportahan an consumption growth hin mas habubo nga presyo han mga pagkaon ngan hinay-hinay nga paghaluag han monetary policy.
Sumala pa ha IMDF, ginlalauman nga makakabakdaw an investment growth ha padayon nga pagduduso han public investmenty, hinay-hinay nga pag-ubos han mga pagkaka-utang ngan pagdamo han mga igin papatuma nga public-private partnership projects ngan foreign direct investment kahuman han di pala maiha nga legislative reforms.
Samtang, ginlalauman naman nga igpapagwas han Philippine Statistics Authority (PSA) an opisyal nga economic growth data para ha 4th quarter ngan han bug-os nga tuig-2024 ha Enero 30, 2025.
