-- Advertisements --
SPORTS NEWS– Padayon an gin hihimo nga pag-eensayo ni Pinoy pole vaulter EJ Obiena, para ha mga masunod hine nga torneo.
Mababaruan, nga an pinaka-urhi niya nga mulay ine ha Xiamen leng han Diamond League ha China ngan naghuman ine ha ika-4 nga pwesto.
Ginprobaran hine nga umabot ha 5.72 meters pero pakyas ine ha iya ika-3 nga attempt.
Ha nasabi nga torneo, nagin malinampuson hi Mondo Duplantis han Sweden ngan ginsundan ine ni Emmanouil Karalis han Greece ngan Menno Vloon han the Netherlands.
Manunumduman, umole ha Pilipinas hi Obiena para mag-ensayo kun diin target hine nga magin malinampuson ha mga outdoor events.
