SPORTS–Utro nga nagdaog hi EJ Obiena ha pag-abri han iya 2026 season mahuman nga nakuha niya an gold medal ha pole vault ha 2026 Asian Indoor Athletics Championships han Sabado ha Tianjin, China.
Nabingwit han two-time Olympian an top podium spot mahuman nga na-clear ine an 5.70 meters han syahan nga attempt.
Nakuha naman ni Li Chenyang han China an silver medal mahuman nga ginlampasan niya an 5.60 ka metro.
Samtang, nakumpleto ni Chen Yang, usa gihapon nga Chinese Vaulter, an podium bronze mahuman nga na-clear hine an 5.40 ka metro.
Bagaman kapot ni Obiena an Asian Record nga 5.93 ka metro, gin-probar la gihapon niya nga lampasan an 5.80m, pero napakyas ine ha ngatanan nga 3 ka attempts.
Sunod nga aapihon han Filipino pole vault ace an INIT Indoor Meeting Karlsruhe ha Germany kumo parte han iya magkasurunod nga international competitons yana nga tuig.
