Kasunod han duha ka-semana nga sagunson nga big-time oil price hike kun diin umabot hin P10 kutob P20 kada litro an gin-umento han diesel ngan gasolina, utro nga nanawagan hi Sen. Bong Go ha ehekutbi agud ha dayon nga bulig ngan solusyon ha mga Pilipino nga duro nga apektado.
Ha iya pahayag, ginmalatumat han senador nga abat la gihapon han mga molupyo an kakurian nga durot han hataas nga presyo han lana, kadungan an paghitaas han papliton, baraydan ha kuryente ngan an hamubo nga balyuay han piso kontra dolyar.
Dugang pa hini, nakiki-usa hiya ha pag-ampo nga utro magin normal an pankinabuhi han kada Pilipino. Nagtikang na yana nga semana an ikaduha nga regular session han Kongreso kun diin kaupod an mga igkasi Senador, tututukan ni Go an mga programa ngan balaudnon nga may panuyuan maghatag hin ginhawa ha publiko.
Gintagan-duon han senador nga panahon han krisis, importante nga siguraduhon nga may insakto nga suporta ngan proteksyon an mga Pilipino kontra ha padayon nga paghitaas han presyo han mga pangunahon nga papliton.
