NATIONAL NEWS– Gin-ugsod ha 2026 an EDSA rehabilitation ngan an implementasyon han odd-even scheme.
Subay ha Department of Public Works and Highways (DPWH) Secretary Manuel Bonoan, nga magigin balaong an paghingayad han EDSA an magigin kat-uran nga panahon ngan susundan pa ine hin Christmas rush yana nga “Ber” months.
Target nira nga unahon an parte kun diin gin-aagian han mga sarakyan.
Ginkokonsidera nira an paggamit han makabag-o nga teknolohiya para mapadagmit an pagpaupay han 23.8 kilometro nga makasaysayan nga highway ha Metro Manila.
An nasabi nga proyekto in nagkakantidad hin P8 -17 bilyon.
Igsusumiter naman an nasabi nga rekomendasyon kan Pangulong Ferdinand Marcos Jr kun igsasapinal na nira an teknolohiya nga gagamiton para hiton EDSA rehabilitation.
