Aminado an Second Congressional Commission on Education o EDCOM 2 nga kinahanglan nga mas pahilarumon pa an seguridad ha mga eskuylahan agud maproteheran an mga estudyante.
Kasunod han panibag-o nga panmusil ha usa nga eskuylahan ha Zamboanga City, ginmalatumat han komisyon nga an mga nahitabo nga kasamok ha mga eskuylahan in usa nga “pahinumdom” nga kinahanglan gumi-os dayon an gobyerno agud maproteheran an mga estudyante ha sulod han mga eskuylahan.
Humangyo gihapon an komisyon hin dayon nga suporta ngan psychological first aid para ha mga apektado nga komunidad, kaupod han dayon nga policy reforms para ha katungod han tanan nga mga estudyante ha bug-os nga nasud.
Samtang, ginbalik gihapon han komisyon an mga naganap nga kasamok ugsa an Zamboanga school sugad han panmusil ha Tacloban City ngan insidente han panmuno ha Bacolod, Cavite, ngan General Trias City.
