Nakatutok an House prosecution panel ha paglalatag hin madig-on nga ebidensya kontra kan Vice President Sara Duterte ngan dire ha ihap han botos nga kinahanglan para ha sirot.
Ini an ginpahayag ni House prosecutor ngan Akbayan Party-list Representative Chel Diokno.
Gin tanggal gihapon ni Diokno an mga hurob-hurob kasumpay ha kinahanglan nga kadamo han botos ha impeachment trial.
Dugang hini, an prayoridad han prosekusyon in mailatag hin klaro ngan matuod-tuod an mga ebidensya ha Senate impeachment court.
Gintagan-duon ni Diokno nga dire ini nakakaapekto ha pangandaman han prosecution team para ha pagdungog nga nakatalaan magtikang ha Hulyo 6.
Lugod, busy an prosekusyon ha pag-ayad han mga testigos, mga dokumento, ngan mga argumento agud pamatud-an an upat nga Articles of Impeachment kontra ha Bise Presidente.
Kaupod ha mga reklamo an sayop nga paggamit han confidential funds, dire mai-eksplikar nga karikuhan, panunuhol, ngan panarhog ha mga hagtaas nga opisyal han gobyerno.
