TACLOBAN CITY– Nakaghipatik hin hamubo nga kaso hiton dengue an Sinirangan Bisayas han nakalabay nga tuig 2025
Sumala kan Leonido Olobia – Program Manager Department of Health Eastern Visayas, subay ha ira record nakapagtala hira hin mas hamubo nga kaso nga ada ha 78% kumpara han tuig 2024.
Duganga pa hine an Leyte an nakagpaghipatik hin 992 kaso han dengue sumunod an Samar nga mayda 739, Eastern Samar nga mayda 171, Southern Leyte 572, Biliran 221, Northern Samar 471 ngan Tacloban City nga mayda 251 cases.
Ha kaluyo han ira nahipatik nga paghamubo, nagdig-on ine nga dire naman angay magpakampante an publiko, lugod in batasanon nga magin malimpyo an libong, ngan sugadman an panlawas han pamilya ha sulod han panimalay.
Mababaruan nga nakagtala hin 6 nga namatay matungod ha nasabi nga kaso ha Sinirangan Bisayas han nakalabay nga tuig.
Padayon naman an panawagan ha publiko hiton nasabi nga buhatan, nga siguraduhon nga malimpyo ngan igpanhuwad an mga naka-istock nga tubig ha mga drums ngan kaliding agud nga makalikay ha posible nga kadelikaduhan han dengue.
