EASTERN SAMAR – Ginpresentar han Assistant Department Head han Provincial Veterinary Office (PVO), Dr. Melanie Costuna-Osita, an mga ginpapatuman nga programa han Provincial Veterinary Office para han agriculture, livestock ngan poultry ha Eastern Samar.
Lakip han mga programa han PVO an ‘Bastante nga Pagkaon ha Este’ o (BPE), usa nga artificial insemination ha baktin ngan carabao, ngan responsible pet ownership.
Ha pagkayana, mahugot an programa han PVO kontra African Swine Fever (ASF), diin nagresulta ini ha Eastern Samar ha kahimutang ha yellow zone, nga nagtutugot nga makaka-export hin baktin ngadto ha iba nga probinsya.
Iginlatag gihapon an plano nga “Beterinaryo ha Baryo,” para ma-ipaharani an serbisyo han gobyerno ngadto ha mga para-uma ha barangay level, upod an paghatag hin farmers’ training ngan IEC campaigns.
Dako gihapon nga isyu an kakulangan han pondo para han livestock ngan poultry livelihood projects, transboundary diseases, ageing farmers, kakulangan han manpower, digitalized data system, ngan IT equipment.
Plano gihapon han PVO an 3-year development plan han “Bastante nga Pagkaon ha Este: Serbisyo Agrikultura,” digitization han animal inventory, upgrading han stocks, ngan carabao upgrading project ha mga munisipyo han Oras, Dolores, ngan Can-avid.
Target han opisina nga umuswag an produksyon han carabao ha tuig 2028. (via Bombo Shiela Encio)
VC 1 OSITA AUG26AM<<<<<<<<<<<<<<<<
An nagin kaparte han pahayag ni Provincial Veterinary Office (PVO) Assistant Department Head, Dr. Melanie Costuna-Osita
