TACLOBAN CITY – Nakaghipatik hin 3.3% nga paghitaas ha inflation ha mga pagkaon o Food Inflation Rate an Eastern Samar dida han Disyembre 2024, tikang ha 3.1% dida han Nobyembre 2024.
Sumala kan Philippine Statistics Authority-Eastern Samar Supervising Statistical Specialist, Suzanne Amosco, an mga upward trend han food inflation dida han Disyembre 2024 in mahitungod han kadagmit han pagkiwa han presyo han mga utanon, beans, ngan saging tikang han annual decline nga 0.9% dida han Nobymbre 2024.
Nagkamay-ada daw gihapon hin umento ha presyo han mga seafoods, gatas, dairy products, ngan bunay hin 9.8% ngan 4,9% hin magka-sunod tikang ha annual increase nga 8.9% han isda ngan 3.7% han bunay dida han Nobyembre 2024.
Sumala pa hine, an iba nga grupo han pagkaon nga nakaghipatik hin madagmit nga annual increase han inflation rate in an karne kun diin nakaghipatik ine hin 2.9% tikang ha 2.8%, sugadman an mga ready-made nga pagkaon ha 3.9%.
An asukar, confectionery desserts, oil, ngan fats in nakag-rekord hin mahunay nga annual decrease han inflation rate nga 6.8% ngan 1.3% nga magka-sunod tikang ha annual decline nga 8.2% ngan 1.6%, nga magkasunod dida han Nobyembre 2024.
An bugas, prutas, ngan mani naman an nakaghipatik hin mahinay nga inflation rates ha 1.2% ngan 1.6% tikang han 2.0% ngan 5.1% han November 2024.
Samtang, an harina, bakery products, ngan pasta products kaupod an cereals in napabilin an inflation nga 3.4% dida han Nobyembre ngan Disyembre. (via Bombo Shiela Encio)
