TACLOBAN CITY – Gin-aprubahan na han Civil Aviation Authority of the Philippines (CAAP) an chartered flights tikadto ha Borongan City via Leading Edge Air Services Corporation (LEASCOR).
Sumala kan Capt. Geoffrey Alcano, CAAP leader, nasertipikahan na nira an kapabilidad han airline company ha pagbiyahe tikadto ha Borongan City ha Eastern Samar.
Dugang pa hini nga kasagaran nga gin-rerequre han CAAP an 100 flying hours para maging eligible an usa nga airline company nga magkaada hin flight ha pira nga destinasyon pero yana daw in gin-aprubahan na han CAAP an flight tikadto ha Borongan duha kabeses kada semana.
Ginpropose naman han mao nga airline company an chartered flights ha Borongan tikang ha Clark, Pampanga ngan tikang ha Cebu tikadto ha Borongan ngan vice versa.
An mao naman nga mga flight in iba ha commercial airlines flights mahitungod nga an association of travel and tours an nag-aarrange han flights.
Sumala naman kan CAAP MGen. Rolando Capacia, an pasahe han chartered flights in mas barubarato kumpara ha commercial flights.
Samtang sumala kan Eastern Samar Governor Marcelo Picaradal nga welcome development para ha ira an pagkakamay-ada na hin mga flights.
Nagtutuo naman ini nga makakabulig an mao nga airline ha pag-aghat hin mas damo nga mga turista ngan mahitungod hini in gin-aandam na han probinsya an mga destinasyon hini suga dhan Calicoan Island ha Guiuan, Canhugas Natural Park ha Hernani, Monbon ngan Ando Islands ha Borongan ngan pira nga maghusay nga yungib ngan waterfalls ha mao nga lugar
