TACLOBAN CITY – Ginsasalin-urog yana nga adlaw, Marso 28, an Earth Hour ha bug-os nga kalibutan kun diin nagtikang an nasabi nga aktibidad dida han tuig-2007.
Sumala kan Department of Environment and Natural Resources VIII Communication Development Officer, Rowena Opiniano, nagtikang ha Sydney, Australia an pagdumara han aktibidad ngan tikang hadto in ginsasalin-urog na ini habug-os nga kalibutan.
Ginsasalin-urog an Earth Hour kada katapusan nga Sabado han Marso ngan nag-iiha hin usa ka-oras, tikang alas-8:30 han gab-i kutob alas-9:30 han gab-i ha kaparehas nga adlaw.
Panuyo han Earth Hour nga maibanan an problema ha kalibungan labi na yana nga nagkamamay-ada hin krisis ha lana ngan kinahanglan an pagtipid ha enerhiya.
Dugang pa ni Opiniano, an usa kaoras nga pagpaparong hin suga in dako na nga bulig ha kalibungan labi na kun magbuburublig an kada-usa.
