Ginsisingabot ni Alex Eala an haligot nga pahuway ugsa utro nga sumabak ha matindi nga torneo nga nakalinya ha iya ha masunod nga bulan.
Natagan hin higayon nga makag-relax an 20-anyos nga hi Eala mahuman an susrunod nga mulay hini dida han Enero ngan yana nga bulan hiton Pebrero.
Ha iya post ha social media, igin paangbit ni Eala an pagbisita hini ha usa nga resort agud makapahuway ngan singabuton an higayon nga makarekober.
Pero ha butnga han iya pagpahuway, in padayon la gihapon an workout ni Eala agud masigurado nga ada ha perpekto nga kondisyon la gihapon ini ha oras nga bumalik ini ha WTA Tour.
Duha nga dagko nga torneo an nakatalaan nga buligan ni Eala.
Syahan an BNP Paribas Open ha Indian Wells nga magtitikang na ha masunod nga semana.
Mapapalaban naman hi Eala ha Indian Wells mahitungod nga bubuligan ini han Top 10 players ha WTA rankings.
Nangunguna na ha listahan hira No. 1 Aryna Sabalenka han Belarus, reigning Wimbledon champion Iga Swiatek han Poland, ngan reigning Australian Open champion Elena Rybakina han Kazakhstan.
Maarangkada gihapon hira French Open champion Coco Gauff han Amerika, Mirra Andreeva han Russia, Jasmine Paolini han Italy, Victoria Mboko han Canada, Jessica Pegula han Amerika, Elina Svitolina han Ukraine, ngan Amanda Anisimova han Amerika.
Gindayaw naman ni Pegula an dako nga kontribusyon ni Eala agud mas rumibhong pa an tennis ha kalibutan.
Nakit-an mismo ni Pegula kun patiunan-o humatak hin crowd hi Eala ha kada mulay hini—tikang ha Australian Open kutob ha kahuhuman pala nga Dubai Tennis Championship ha United Arab Emirates.
