SPORTS – Titikangan ni Pinay tennis star Alex Eala an 2026 Indian Wells tournament ha pamilyar nga kalaban.
Makakaatubang hini hi Dayana Yastremska han Ukraine para ha round of 64 ha California nga magtitikang yana nga aga han Sabado, oras ha Pilipinas.
Nakasulod hi Yastremska ha secound round mahuman pirdihon hi Zhang Shuai.
Sakob dayon an 20-anyos nga hi Eala ha second round mahuman nga makakarawat hin first-round bye ha WTA 1000 tournament.
Manunumduman nga dida han nakalabay nga tuig in ginpirde ni Eala an Ukrainian tennis star ha Eastbourne Open quarterfinals.
Mayda na mga titulo an Ukrainian tennis star kun diin nagkampeon ini ha Hong Kong dida han 2018 ngan mahuman an usa ka-tuig in magkasurunod nga nagkampeon hi Yastremska ha Hua Hin ngan Strasbourg Open.
Target naman ni Eala nga magkampeon utro sugad han nakab-ot hini an Guadalajara title dida han 2025.
