SPORTS–Titikangan ni Pinay tennis star Alex Eala an 2026 Indian Wells tournament ha pamilyar nga kalaban.
MAkaka-atubang kasi hine hi Dayana Yastremska han Ukraine para ha round of 64 ha California nga magtitikang yana nga aga hiton Sabado, oras ha Pilipinas.
Nakasulod kasi hi Yastremska ha second round mahuman nga dumaog kontra kan Zhang Shuai.
Sulod dayon an 20 anyos nga hi Eala ha second round mahuman nga makakarawat hin first-round bye ha WTA 1000 tournament.
Han naglabay nga tuig kasi in napirdi ni Eala an Ukrainian tennis star ha Eastbourne Open quarterfinals.
Mayada na mga titulo an Ukrainian tennis star kun diin nagkampeon ine ha Hong Kong han 2018 ngan mahuman an usa nga tuig in magkasurunod nga nagkampeon gihapon ha Hua Hin ngan Strasbourg.
Samatang target ni Eala nga mautro na magkapagkampeon mahuman na makamit an Guadalajara title han 2025.
