Utro nga iginparayaw ni Alex Eala an kakarit han usa nga Pilipino nga atleta mahuman hini perdihon ni Caty McNally han United States ha Round of 32 han Canadian Open.
Maupay nga gintikangan ni Eala an mulay ngan dayun nga nakuha an syahan nga set ha iskor nga 6-2. Sugadman, nagin mas dukot ngan mahugot an mulay pag-abot han ikaduha nga set, kun diin nagbalyuay hin punto an duha nga players.
Samtang nagpapadayon an mulay, nakaabat hin discomfort hi Eala sanglit umaro hiya hin medical timeout. Ha kaluyo hini, waray hiya magpaalantad ngan utro nga bumalik ha court agud igpadayon an mulay. Nagpabilin nga determinado an Flipinas tennis star pero perdi ini ha ikaduha nga set ha iskor nga 7-5.
Mas nagin exciting an katapusan nga set mahuman utro nga magbalyuay hin punto an duha nga playes. Nakontrol ni Eala an momentum ngan nakuha an kadaugan ha ikatulo nga set ha iskor nga 6-4.
Mahitungod hini, maabante hi Eala ha Round of 16 han Canada Open, pamatuod han iya padayon nga pag-abante ha pantag han tennis.
Sunod naman hini nga makakatumparak ha maabot nga Lunes, Agosto 10, hi Belinda Bencic han Switzerland.
