TACLOBAN CITY – Duha an nahipatik nga namatay ha natabo nga aksidente ha kadalanan ha parte han Jiabong, Samar.
Sumala kan PLt Roy Agbon, hepe han Jiabong PNP nga ginkilala an mga biktima nga hira: Noel Habilar, 21 anyos , waray asawa, usa nga micro finance officer, ngan residente ha biliran, biliran sugad man kan Nuren Bunguyan, 22 anyos, micro finance liwat nga residente han Oquendo, Calbayog City.
Subay ha report nga tikadto ha direksyon han Calbayog an mga motor han mabunggo an mga ini han jeep nga ginmamanehuan han certain Noriboy Pabilangan, 32 anyos.
Basar pa ha inisyal nga imbestigasyon nga nawarayan hin preno sugad man nawarayan liwat hin kontrol ha manubela an mao nga driver.
Labot la han motor nga ginsasakyan han mga biktima in usa pa liwat nga motor an nabunggo han driver nga nahireport nga samaran.
Ini ginkilala nga hi Rose Dianne Solayan, usa liwat nga micro finance, Culaba.
Ha pagkayana in kapot na han Kapulisan han Jiabong PNP an mao nga driver ngan nakatalaan pasakahan hin kaangayan nga kaso.
